معاناتي من الطبلات

ياهاجس الشعر هاك الببس والقاتي=خزن وكيّف وحرك موجت الأبيات
على شواطي الشعر تلقاك موجاتي=في شط أبيات باتستقبل الموجات
ترسي بميناء الأدب وتنزل أبياتي=فيها معانات شاعر سج بالونات
ونيت ونت مصوب بالعياراتي=ونيتها من وجع في داخل الطبلات
في داخل إذني وجع غيرمزاجاتي=قدذالي إسبوع مثل أطرش مع الزفات
حاولت أنظم قصيده عن معاناتي=وأجسد أوضاع حالي والهموم إشتات
لاجيت أبرقد تصحيني وساداتي=واسهر لحالي واخزن ياعرب بالقات
ينعن أبو الحاله إللي أقلقت ذاتي=وتعكر الجو عندي ثارت العجات
حاولت أداري ولافادت مداراتي=ولانفعني الترجي والجروح تبات
أصيح من داخلي في صمت وإسكاتي=واليوم بحت الخفايابعدطول إسكات
إذني وجيعه وجعها سد طبلاتي=إذن اليمين أصبحت ماتسمع الأصوات
واليوم قررت أناأذهب للعياداتي=وأفحص عليها وأنظفهامن الأفات
صليت مغرب ثم أتعشيت وجباتي=دخلت داخل عياده وأعمل فحوصات
ساعة وصلت العياده قال إثباتي=إسمك وعمرك وعنوانك مع الإثبات
جاوبت أنا اسمي علي وتفضل الأتي=عمري عرفته وعنواني بلالجات
ثم قال لي إجلس على كرسي وماساتي=وصب فإذني بلاء ويقول فوارات
وماهي إلا دقايق بانتظاراتي=جهاز مخصوص غسل الإذن بالمويات
مثل المسدس يضخ الماءبضخاتي=ثلاث مرات مدري خمس هالضخات
وبعدها أدخل ملاقيط المعداتي=وقال تسمع وجع واقول له هيهات
ثم جرفاتورته يكتب علاجاتي=قرر قطر واشتريت الوصف في لحظات
رجعت له قال هات الفين وامئاتي=واستخدم الوصف طول اليوم بالمرات
وموعدك في الخميس قرربعوداتي=وننظف اذنك وتسلى الويل والضجات
هذه حكايه حقيقيه من أوقاتي=ماهي خرافه ولاكذبه من الكذبات
واهدي سلامي مع خالص تحياتي=بالمسك والعطر أهديكم مع الباقات
وأزكى صلاتي ختم مسك العباراتي=على رسول الهدى صليت مليارات
وآله وصحبه رفيعين المقاماتي=صلات ربي عدد مايقروا الأيات